العاب جماعيةكرة قدمىرئيسية

عماد متعب: أمي ست عظيمة ومحمد صلاح سبب انتقالى للأهلي

 

أكد عماد متعب نجم الاهلي والمنتخب الوطني السابق أن والده – رحمه الله – هو أكثر شخص حببه في الكورة رغم إنه توفى وهو في سن 7 سنوات، مضيفا أن والده كان بيحب الكورة جدا ودايما كان بياخدنا معاه الاستاد فطلعت عارف يعني إيه كورة ودورها في إسعاد الناس، أكيد كان نفسي يكون موجود ويشوف النجاح اللي حققته والبطولات والأهداف، ومن بعده والدتي اللي بقول إنها شخصية عظيمة.
وأضاف متعب ان والدته ست عظيمه لإنها قدرت تربي 4 رجالة لوحدها بعد وفاة والدي والحمد لله كلنا طلعنا معتمدين على نفسنا وبفضل دعائها حققت كتير وأنا لاعب ولحد دلوقتي أنا عايش من دعواتها ليا.
وأضاف متعب: أنا اتعلمت المسئولية بدري يعني من سن 12 سنة أنا عايش لوحدي في القاهرة في قطاع الناشئين في الأهلي، وإني أحاول أساعد بقدر الإمكان مع اخواتي ووالدتي.
وعن بداياته قال أسطورة هجوم الأهلي: كانت من نادي بلبيس اللي كنت بلعب فيه أنا وأخويا وائل اللي بيكبرني ماشرة، وكان لاعب جامد جدا بس مشكلته إنه كان عصبي جدا نفس شخصية وطريقة لعب كابتن إبراهيم حسن بس للأسف الظروف بتاعتنا وقتها لم تساعده إنه يكمل في مسيرته في الكورة لأن كان الكبير بعد أخويا الأكبر وليد وتحملوا المسئولية بدري.
وأضاف متعب: مدرب عندنا في بلبيس إسمه كابتن محمد صلاح أخد مجموعة حوالي 6 من الفريق وطلعنا رحلة للقاهرة نختبر في النادي الأهلي كان عمري وقتها 12 سنة قابلنا بقى كابتن ميمي الشربيني، وتم اختياري أنا لوحدي من المجموعة دي، طبعا فكرة دخول الأهلي والمرور من البوابة رهبة غير عادية، لكن الخوف الأكبر بعدما تم اختياري وإني هكون لاعب في الأهلي وقعدت فترة طويلة مكنتش بعرف أروح لوحدي كان بييجي معايا كابتن محمد صلاح لحد ما تأقلمت على الوضع وبدأت اعرف زملائي.

مقالات ذات صلة

زر الذهاب إلى الأعلى