أول تعليق لمحمد السيد بعد خسارته في بطولة العالم

اعرب لاعب المنتخب الوطني للسلاح محمد السيد عن حزنه الشديد، بعد الخسارة التي مني بها اليوم في بطولة العالم للسلاح امام لاعب فنزويلا فرانسيسكوا ليماردوا، بنتيجة 13-12، في اخر لحظات المباراة بعد ان كان متقدما على منافسه بفارق 7 نقاط، ليعود الفنزويلي ويتعادل مع محمد ويتغلب بالنقطة الذهبية.

وكتب محمد السيد عبر وسائل التواصل الاجتماعي قائلا:

“مش عارف اقول ايه. نتيجة النهاردة عكس كل توقعاتي وتجهيزاتي للبطولة. كل التمرين والتضحيات راحوا علي الارض؟ اوقات عقلنامبيعرفش ليه ده بيحصل دلوقتي، ليه انا مكسبتش و متاهلش للنهائيات؟ ده انا كنت رايح علي ميدالية!!

مش عارف والموضوع صعب بس انا عارف ان ده اختبار من ربنا. كل الناس عندها مشاكل فحياتها وناس بتمر بازمات اكتر من اللي اناحاسه دلوقتي فاحمد ربنا دايما و ثق فخططه عشان مش شرط يكون ال انت نفسك فيه ده خير ليك او ممكن يكون خير بس ربنا بيختبرصبرك و بيجهزك لوقتك المناسب.

يوم عدا بمشاعر كتير. بكره بدايه جديده هحلل اخطائي واتمرن اكتر. وبتاسف لوالدي علي الخسارة النهاردة. انا عارف مكنش هدفنا بسانا واثق فخطط ربنا وقدره. البطولة دي بالذات هتفضل في ذاكرتي فتره عشان وجعها كبير شوية، بس اكيد هفتكر اللحظة الصعبة واقولالحمدلله ربنا مبيضيعش تعب حد ابدا.

لسه المشوار طويل ونصيحة لكل حد، طبيعي ان اللحظات الصعبة تاثر عليك بس اوعي تخليها سبب لاحباطك او هدمك..لا! اللحظات دي هي ال لازم تستحمل وتيجي علي نفسك وتبني عليها وتكمل مشوارك عشان دي اللحظات البتعرفك معدنك وبتعملك بطل.”